فتحت ليلة الموركس دور الباب أمام موجة تساؤلات واسعة بعد أن امتلأت منصات التواصل بمقاطع وصور جمعته ببيسان إسماعيل. فؤاد اختار أن يحسم الجدل بهدوء، قائلاً لـET بالعربي: "أنا بعزها وبحترمها جدًا، وهي صديقة مقربة. بس حاليًا في حاليًا في شغل وصداقة فقط". وأكد أنّ ما يراه البعض “دلائل” ليس سوى انعكاس لرغبات المتابعين: "شي طبيعي، الفانز دايما عندن تخيلاتهم ببالهم".
بوست الشامي “3 في 1”
الحديث لم يقتصر على بيسان. فؤاد وجد نفسه أيضًا في قلب عاصفة ثانية بعدما نشر الشامي صورة لكيس قهوة 3 في 1 مع عبارة: "تشربوا معي 3 بواحد؟ المهم بتهون قريباً".لم يكن البوست عابرًا بنظر الجمهور، الذي ربطه فورًا بتريو أغنية "علاش" التي جمعت فؤاد وبيسان وأمجد جمعة.
ورجح البعض أن بيسان ردّت آنذاك بطريقة مرحة عبر “ستوري” من بيروت: "بهالشوبات بنصحكم تشربوا آيس كوفي… بتبورد شوية عالقلب".
وعما إذا كان يعتقد أن هذا البوست من الشامي موجه لهم، قال جنيد: "بيني وبين الزلمة مافي شي، بالعكس في محبة، أنا بعزه وبحترمه جدًا، وبتمناله كل الخير والتوفيق. أنا وياه في خبز وملح".
وأضاف: "يمكن الزلمة عم يعمل إعلان، بالنسبة لإلي، إذا كان قاصدنا بمون مافي مشكلة. بس خلي فانزاته يروقونا شوي. جوي المشاكل ما إلي فيه. نحنا جايين نعمل جو فن وترفيه، ما ساحة حرب وصياعة".
وكشف جنيد أنّ تواصلاً وديًا جرى لاحقًا مع الشامي: "من فترة قريبة كنا عم نحكي مع بعض، وإن كان فنيًا في بعد، هالشي ما بيعني كمان عالمستوى الشخصي. تحت الطاولة ما حدا بيعرف شو بيصير".
