في جلسة حصرية، قابلت بيلبورد عربية الملحن والكاتب نبيل خوري، الذي حقق نجاحات كبيرة على ساحة الاغاني الليفانتين. ومن أشهر الهيتات التي قدمها: "بلا ما نحس" بصوت عبير نعمة، "بالأحلام" لناصيف زيتون، و"قلبي يا قلبي" لنانسي عجرم، وغيرها الكثير وجميعها ظهرت على قوائم بيلبورد عربية هوت 100 لأسابيع متواصلة. ولا شك أن نبيل غيّر شكل الأغنية الرومانسية في السنوات الماضية وأضاف إليها لمسات غربية، وقد علّق على ذلك قائلًا: "أنا وقت كنت ولد ما كنت اسمع عربي كتير ربيت على موسيقى أجنبية وأنا وعم بكبر بلشت أخلط التنين مع بعض فظبطت معي هالخلطة. اليوم من ناحية الموسيقى عم بعمل أكثرية أغانية على 3 chords بس أو 4 تكون كل الغنية بيعيدو هني ذاتهم. هيدي طريقة بيشتغلوها برا طريقة مش عربية يعني مع اللمسة العربية فبخلطهم مع بعض و طلعت هالخلطة اللي كثير حلوة".
من اللافت أن نبيل حقق ثنائية مميزة مع عبير نعمة، فقد قدّما سويًا هيتات بارزة في السنوات الماضية، مثل "بلا ما نحس". يقول نبيل: "كانت مش خوفي قلك شو بحسلك كانت خايف قلك شو بحسلك نبطل أصحاب. عندك "بصراحة" كمان كانت غير، في عندك "بعدني بحبك" كانت بحبك بعدني بحبك. كلهن، حتى "لعندو بروح" آخر غنية لما اتعب لما لما ازعل أنا لعندها بروح. كانت عبير بس تشتغل معي تقلي شو عامل آخر فترة سمعني سمعني و هيك ببعتلها يمكن هيك غنيتين على واتس أب تسمعهن دايما بتنقي غنية الشب".
ومن الأغاني المميزة التي كتبها ولحنها نبيل كانت أغنية "بالأحلام" للنجم ناصيف زيتون. سألناه عن قصة الأغنية التي تبدو رومانسية، لكن قصتها بدت مختلفة: "قصة هالغنية، ليكي الحلو فيها هالغنية انو في ناس لها معنيين، هي من عندي أنا الها معنى واحد بس العالم فهموها بمعنيين. في ناس أخدوها هيك وفي ناس أخدوها هيك. هلق أول اتجاه هي انه واحد يطلع بأمه أو مرتو أو حبيبته و يقلها انت اللي مثلك موجودين بالأحلام وبحبك وشو عرفني، وفي المعنى الثاني اللي هو أنا قاصده انه البنت اللي أنا معقول حبها مش موجودة، فـ "بالأحلام" هي غنية سلبية بحتة".
