أطلق الفنان مسلم فيديو كليب "واحشاني"، الأغنية السادسة من ألبومه الجديد الذي بدأ طرحه في مارس الماضي، ويضم 10 أغنيات تتنوع بين أنماط وأشكال موسيقية مختلفة.
ويحمل الكليب اسم الألبوم نفسه، فيما تقدم الأغنية حالة درامية تدور حول الاشتياق إلى الحبيب وأثر الغياب والفراق في صاحبها، مع حضور واضح للذكريات المؤلمة ومحاولات الهروب من الأيام المرتبطة بها.
وتولى مسلم كتابة كلمات "واحشاني" وتلحينها، بينما جاء التوزيع الموسيقي بتوقيع إسلام الأزرق، وأخرج الكليب عمر زكي، وتتولى شركة ديجيتال ساوند توزيعه.
ويأتي طرح "واحشاني" بعد مجموعة من الأغنيات التي كشف بها مسلم عن مراحل مختلفة من ألبومه، بدأها بـ"سحابة صيف"، من كلمات محمود عادل، وألحان كريم نيازي، وتوزيع وميكس وماستر إسلام الأزرق.
ثم طرح "بنلف وندور" من كلماته وألحانه، وتوزيع مهيب سليط، قبل أن يقدم "ماتتحبيش" من كلمات حسام سعيد، وألحان عمرو الشاذلي، وتوزيع وميكس وماستر محمد ياسر.
وضمت قائمة الأعمال المطروحة كذلك "على كل حال"، من كلمات زياد ياسر، وألحان مصطفى يسري، وتوزيع وميكس وماستر تيام طارق، إلى جانب "طال بعدك" من كلمات أحمد عزب، وألحان كامل الجندي، وتوزيع إسلام شوقي، وإخراج كريم رفعت.
كلمات أغنية واحشاني مسلم
عندي سؤال
ازاي قدرتي تكوني أقرب ف الغياب
عندي أمل، نرجع و لو بقلبين جُداد
مشيتي من غير ما تقوليلي أعمل ايه ف الذكريات
و أصعب من الصبر، الغياب
واحشاني، و واحشني نفسي اللي كانت معاكي زمان
ماسك صور لينا بنضحك ف وسط الناس
قلبك نسي قلبي اللي مابينساش، عملها ازاي
بقيت مضطر أعيش بهرب من الأيام
و يا ليل
وصله مره سلام او ردلي بجواب
بكلمه ارتاح
دا انا عيني
ما شافت نوم من لما يومها سابني و راح
امانه يا شوق
مافيش مخلوق من اللي انا دوقته مره يدوق
يعيش موهوم في حلمه و لما منه يفوق
بأكتر حد مأمن له بإيديه مقتول
عندي فضول
اسمع حلول
تنهي الزعل و ترد روح
او نهايه للظنون
مش كفايه كل يوم
بقى عندي خوف
ياريته حلم و منه افوق
عمال بيتكرر كابوس
غرقان و انا مابعرفش اعوم
و بيقولوا دلوقتي ليه
حبيب جديد
دا انا قلبي مش هاين عليه
يقول نسيه
بقى دا جزائي و دا اللي بتحاسب عليه
اني مقدرتش اشوفك غير حبيب
أول، و وعد تكون أخير
حبيبي، مش ليك تتقال لمين
حبيبي، هتروح من قلبي فين
و اهو راح منك يا عين
و ماعادش فاضل لينا شئ
واحشاني
و واحشني نفسي اللي كانت معاكي زمان
ماسك صور لينا بنضحك ف وسط الناس
قلبك نسي قلبي اللي مابينساش، عملها ازاي
بقيت مضطر أعيش بهرب من الأيام
مسلم على قوائم بيلبورد عربية
ويحضر مسلم على قوائم بيلبورد عربية هوت 100 منذ إطلاقها في سبتمبر 2023، بـ4 أغنيات.
كما يحضر على قوائم بيلبورد عربية هوت 100 هذا الأسبوع في المركز 66، محافظًا على تواجده ضمن القائمة لمدة 132 أسبوعًا متتاليًا.
x
